Guipos, Zamboanga del Sur – Patay ang kanhing kapitan sa Brgy. Mahayahay, Kumalarang human nga girapido siya sa wala nailhing suspetsado didto Brgy. Guling, Guipos kagahapong adlawa ala una kinse sa hapon, Huwebes, Nobyembre 5, 2020. Sa initial nga imbestigasyon naila ang biktima nga si Jumar Pintak kanhing kapitan sa Barangay Mahayahay, Kumalarang, Zamboanga del sur.
Matud pa sa anak sa maong biktima nga si Mark Athony Pintak nga dunay usa ka honda wave nga itom naghunong mismo sa ilang gitrabahoan nga karsada minaog ang nagsakay niini nga nakamask ug nka shade dayun mipagawas sa giputos nga armas nga siguradong usa ka M16 rifle ug gidul-it sa sa iyang amahan, mismo ang biktima maoy nakasaksi sa pagkatumba ug pagkamatay niini. 17 ka samad pinusilan ang naihap sa nakasaksi nga maoy gikamatyan niini.
Tungod nga nagkagubot na ang nakasaksi wala nila natino ang direksyon sa mipusil sa biktima nga padayon karon nga giimbestigahan sa kapulisan sa lunsod. Walay gikatumbok nga motibo sa pagpatay sa biktima apan gitan-aw karon ang angulong politikanhon nga naglambigit sa nasuspendidong mayor sa Kumalarang kinsa usa si Kapitan Pintac ang gipatay, sa upat ka kapitan sa Kumalarang nga mipasaka ug kasong abuse of authority sa mayor nga maoy gibasehan sa kagamhanang probinsyal pinaagi sa gipagulang order sa Sangguniang Panlalawigan nga pagsuspenso sulod sa 60 diyas isip mayor.
