General Santos City- Sikop sa gipahigayon nga buybust operation sa Police Station 7, kon Fatima Police Station ang usa ka Joel Alegado, hamtong, og residente sa may Blk.14 Lot 3, Prk. Bayanihan Barangay Fatima ning syudad sa Heneral Santos.
Sumala pa ni Police Sr. Inspector Fernand Manuel, ang hepe sa Fatima nga anaa sa watch list sa kapulisan ang nasampit nga suspek nga kanhi na usab nga na-tokhang apan wala mi-surender sa ilahang estasyon.
Sumala pa kang Senior Inspector Manuel, nga usa lang ka sachet ang narekober sa kapulisan ngadto sa suspek.
Hugot usab nga gipanghimakak sa suspek nga napalitan siya og shabu sa kapulisan tungod kay dugay na matud pa kining miundang sa pagpamaligya og ilegal nga droga.
Samtang alang kang Manuel, nga normal lamang pa alang sa ilahang mga dinakpan nga manghimakak sa ilahang nabuhat nga salaod.( RadyoMan Dave Silagan)
