Malampusong nasikop sa mga operatiba sa Agora Police ang 38 anyos nga lalaki tungod sa pagkalambigit ug balik sa iligal nga druga. Kini human sa anti-illegal drug buy bust operation nga gilusad sa mga bataan ni PCapt. Ernesto Sanchez, PS3 Station Commander diha sa Brgy. Patag ning syudad sa Cagayan de Oro.
Naila ang dinakpan nga si Mark Jaralve, minyo nga residenti sa Paclar St., sa maong Barangay kung diin napalitan kini sa usa ka sachet sa gituhoang shabu balor 500 pesos nga maoy hinungdan sa iyang pagka-aresto.
Atol sa pagrekisa sa suspek, nakuha gikan sa iyang posisyon ang laing sachet sa gituhoang shabu. Lakip nga nakuha ang usa ka cellphone ug ang 500 peso bill nga ginamit isip buy bust money. Gibana-banang motimbang sa 1 gram ang tanang nakumpiskang kontrabando gikan sa suspek kung diin dunay street market value nga 6,800 pesos.
Suspek detinado na karon sa PS3 Agora samtang ginadam na sa raiding team nga ipasang-at sa korte ang kasong pagsupak sa RA 9165 batok kaniya.
Kasama mo sa PS3 Agora, RadyoMaN Andy Coco, DXCC Tatak RMN!
