General Santos City–Gibana-banang anaa na sa dul-an 300 nga mga miyembro sa rebeldeng New People’s Army kon NPA ang nibalik na sa sabakan sa gobyerno ilalom sa pagdumala ni Police Brig. Gen. Michael John Dubria, Regional Director sa Police Regional Office 12.
Sumala niya nga gawas sa mga nisurender, anaa sa kapin 200 na ang mga armas nga nakuha gikan sa mga nasangpit apan giklaro niya nga ang uban sa maong mga armas mga homemade. Apan gibutyag niini nga bisan ug kasagaran sa mga armas ang homemade, sugal matud pa sa mga former rebel ang pagdala niini gumikan posible silang gukdon sa ilahang mga kaubanan nga nahibilin pa sa kalihukan.
Kahinumduman nga niadtong nakalabayng adlaw, gipresentar sa kapulisan ang mokabat sa 31 ka mga rebel returnees diin dungan niini gihatagan silag ayuda ilawom sa programang Enhance Comprehensive Local Integration program kon E-Clip nga programa sa gobyerno alang ngadto sa mga miyembro sa NPA nga mobalik sa sabakan sa gobyerno.(LVR)
