[image: blotter-jpg-213-jpg.jpg]
Padayon nga giimbestigahan sa PNP Anti-Kidnapping Group ug Lagao Police Station ang insidente nga pagdagit sa kanhing OFW human nga mawala kini siya og pipila ka adlaw dinhi sa GenSan.
Base sa impormasyon sa Lagao PNP nga Setyembre 21 una nang nidangop ang inahan sa biktima gitago lang sa pangalang Marie aron ipatala ang pagka-missing niini og duha ka adlaw.
Setyembre 19 matod pa sa udto dihang nilakaw si Marie padulong sa opisina sa usa ka recruitment agency sa may J. Catolico Avenue.
Apan nilabay ang duha ka adlaw wala na makabalik si Marie hinungdan nabalaka ang inahan og nangayog tabang sa kapolisan.
Setyembre 25 dihang niabot og kalit sa ilang panimalay ang maong ginang human matod pa siyang nakasibat gikan sa mga kamot sa iyang abductors.
Hinungdan Setyembre 26 sa buntag nagpablotter sila balik sa presinto sa kapolisan og gisaysay ang panghitabo.
Gipanukaran na sad sa PNP AKG og Lagao PNP ang statement sa biktima aron masayran kung giunsa niini pagsibat gikan sa mga nidagit niya ug kung may posibilidad sad ba nga iyang mailhan ang mga suspek.
