General Santos City–Giandam na karon sa City Police Drug Enforcement Unit Kun CPDEU ang kasong pag supak sa ra 9165 sec 5 sa art II kun pag pamaligya ug iligal nga droga batok sa usa ka Eddie Maneja Atalblanco Alyas Eddie, 43 anyos, usa ka salesman ug nanimuyo sa Domasa Lanang, Davao City human nga masikop kini sa gipahigayong buybust operation sa kapulisan alas 8:30 ang takna sa gabie sa Bulaong Avenue, Barangay Dadiangas North ning syudad.
Sumala pa ni Police Major Ruelito Lumiguid ang labaw sa CPDEU nga ang nasangpit nga suspect ang follow up matud pa sa una nilang nasikop sa Barangay Fatima niadtong milabay nga simana kung asa basi sa nakuha nga impormasyon sa kapulisan nga ang suspect ang kanhi na usab nasikop sa syudad sa Davao sa gumikan sa pagpamaligya gihapon ug droga ug nakabuhi lang kini human nga mi-avail sa plea bargaining.
Human matud pa nakagawas mihawa kini sa Davao tungod kay notado na siya sa maong lugar ug mibalhin ug laing lugar aron sa pagpadayon sa iyahang iligal nga binuhatan apan namonitor kini sa kapulisan hinungdan nga nasikop.
Sa kasamtangan nagtingkagol na kini sa Police Station 1 samtang gipaabot pa nga pormal kining mapasakaan ug kasong Kalapasan sa RA 9165.
