South Cotabato—laing lambigit na usab sa pagpayuhot ug iligal nga druga ang nasakmit sa Philippine Drug Enforcement Agency (PDEA) Regional Office -12 ilawom sa supervision si Director Gil Cesario Castro sa pakig-alayon sa Banga Municipal Anti–Drug Abuse Council (MADAC) atol as gihimong buy–bust operation sa Brgy. Liwanay, Banga, South Cotabato, 4:05 sa hapon niadtong nakalabayng adlaw.
Suspek giilang si *Ramie Pacinabao*, 49, minyo, mag-uuma ug residenti sa Purok Rizal, Brgy. Cinco, Banga, South Cotabato.
Narekober gikan sa suspek ang 0.3 gramo nga gituohang shabu nga dunay kantidad nga P1,500.00, P500.00 nga marked money ug (1) cellular phone nga gituohang ginagamit sa suspek sa iyang transaksyon sa iligal nga druga.
Si Ramie Pacinabao ang makaduhang higayon nang napriso gumikan sa illegal gambling ug selling sa illegal drugs apan nakagawas sa prisohan human nga nakapyansa.
Kasong paglapas sa Section 5 (Sale of Dangerous Drugs) Article II sa Republic Act 9165 kon The Comprehensive Dangerous Drugs Act of 2002 ang ipasang-at nga kaso sa PDEA batok sa suspetsado.
