South Cotabato – sikop ang usa ka suspetsado samtang malampuson usab nga nakasibat ang usa ka kanhing pulis atol sa gihimong drug buy-bust operation sa PDEA-regional Office 12 sa may Zone 3, Koronadal City.
Giila ang suspek nga si Alex Perez Cañon alyas “Pretty Boy.” Residenti sa syudad sa Koronadal.
Nasayran nga una nang nakigtransaksyon ang usa ka PDEA Agent ngadto kang Cañon diin nakuha sa iyang posisyon ang mukabat (8) ka pakete sa gituohang shabu ug Marked Money nga nagkantidad ug P650.00.
Human nasikop si Cañon iyang gitudlo ang iyang supplier ug shabu nga si Alex Dolormente, kanhing miyembro sa Pulis.
Gilayon nga gihimo sa PDEA-12 ang operasyon batok kang Dolormente sa panimalay niini sa may Purok Silangan, Barangay Sto. Niño apan nakasibat ang nasangpit human nakahiring nga miyembro sa PDEA ang iyang katransaksyon.
Nasayran nga nakuhaan sab ug shabu ang balay sa nasangpit nag suspetsado. Sa karon anaa na sa silda sa PDEA-12 ang suspek nga si Cañon samtang giandam na ang kasong posibling ipasang-at kaniya. Apil usab nga pasakaan ug kaso ang nakasibat nga kanhing pulis.
