GENERAL SANTOS CITY – Problema matod pa sa gugma og pamilya ang gitudlong hinungdan sa gihimong pagkutlo sa iyang kinabuhi sa usa ka myembro sa Civilian Armed Forces Geographical Units (CAFGU) nga kanhing rebel returnee na sakop sa NPA gamit ang issued firearm.
Giila sa imbestigasyon sa Lagao Police Station ang nasangpit sa pangalang Caloy Gorio Aglo nga miyembro sa 73rd Infantry Batallion Philippine Army.
Matod kay Lt. Daryl Cansancio, Company Officer sa Bravo Company sa 73rd IB na armas nga M14 rifle matod pa ang gigamit ni Gorio sa pagpusil sa iyang kaugalingon igo sa iyang ulo samtang anaa sa 2nd floor sa cottage sulod sa Army Reserve Command Compound sa Brgy Buayan dakbayan sa GenSan.
Nasayran nga bag-o pa nahitabo ang insidente nakig-inom pa kini sa iyang suod nga CAA member og nagsugilon nga adunay problema nga gibati ang CAFGU sa iyang pamilya og hinigugma og depresyon ang nagtukmod nganong gipusil niini ang iyang kaugalingon dugang pa ni Cansancio.
Gidugang pa sa maong opisyal nga gipailawom sa background check ang mga kanhing rebelde bag-o gihimong sakop sa CAFGU.
For more info’s and updates, like and share our official facebook account : www.facebook.com/ifm91.9Gensanofficial/
