General Santos City—Padayon pa karon ang gihimong imbistigasyon sa Police Station 5 sa nahitabong pagpamusil sa kanhing target sa Search Warrant Operation sa PNP nga si Eliakim Gusto, legal age, residenti sa Upper London, Barangay Bawing Gensan alas 2:30 ang takna kagahapong adlawa.
Sa inisyal nga imbistigasyon sa kapulisan nagbantay matud pa ug iyang tindahan ang biktima dihang kalit nga miabot ang duha ka mga suspek nga sakay sa Motorsiklo.
Miduol matud pa sa tindahan ang backrider dayon bunlot ug pusil ug gipusil ang biktima duha ka higayon igo sa lawas ug sa iyang agtang nga bahin.
Paspas nga misibat ang mga suspek human sa pagpamusil samtang ang biktima wala na nadala sa ospital human nakabsan dayon sa iyang kinabuhi. Sa karon ginasuta pa sa awtoridad ang Motibo ug ang suspek sa krimen.
