Pagadian City – Nitunol sa pahasubo ang pipila ka iladong politiko sa probinsya sa Zamboanga del Sur ug yanong mulupyo sa probinsya ngadto sa pamilya ni kanhi Zamboanga del Sur Governor Isidro “Jun” Eleo Real, Jr., dihang nasayran nga mipauli na sa langitnong puluy-nan kagahapon ang kanhing public servant.
Mismong anak ni Jun Real nga si Vicky Real maoy nipost niini sa iyang official Facebook account kagahapon aron ipahibalo ang pagtaliwan sa iyang amahan apan wala usab gibutyag ang hinungdan sa kamatayon niini.
Mahinumduman nga si Jun Real, nagsilbi sa probinsya isip Board Member ug nahimo siyang ikadose nga gobernador sukad namugna ang probinsya diin milingkod sa katungdanan kaniadtong 1995 hangtod 2001.
Nahimo usab siyang kongresista sa unang distrito gikan sa tuig 1987 hangtud 1992 ug gikan 2001-2007.
Ang haya sa kanhing gobernador giplastar sa Pamaran Mouseoleum Pielago Memorial ug gikatakda nga itumod sa katapusang pahulayanan karong Pebrero 5, 2022 mga alas 2 sa hapon.
Ang tibuok pwersa sa RMN DXPR ug iFM mitunol sa among pahasubo sa pamilyang Real nga nagbangutan niining panahona.
Mismong anak ni Jun Real nga si Vicky Real maoy nipost niini sa iyang official Facebook account kagahapon aron ipahibalo ang pagtaliwan sa iyang amahan apan wala usab gibutyag ang hinungdan sa kamatayon niini.
Mahinumduman nga si Jun Real, nagsilbi sa probinsya isip Board Member ug nahimo siyang ikadose nga gobernador sukad namugna ang probinsya diin milingkod sa katungdanan kaniadtong 1995 hangtod 2001.
Nahimo usab siyang kongresista sa unang distrito gikan sa tuig 1987 hangtud 1992 ug gikan 2001-2007.
Ang haya sa kanhing gobernador giplastar sa Pamaran Mouseoleum Pielago Memorial ug gikatakda nga itumod sa katapusang pahulayanan karong Pebrero 5, 2022 mga alas 2 sa hapon.
Ang tibuok pwersa sa RMN DXPR ug iFM mitunol sa among pahasubo sa pamilyang Real nga nagbangutan niining panahona.
Facebook Comments
