Davao City – Human nga gideklara sa lokal nga panggamhanan kagabii nga suspendido na ang klase karong adlawa, Pebrero 13 sa tanang level dinhi sa syudad sa Davao tungod sa Bagyong Basyang, daling gi-tuman sa Department of Education (DEPED-XI) ang maong anunsyo.
Gikumpirma ni DEPED XI spokesperson Jenilito Atillo atol sa interbyu sa tulumanong ‘Straight to the Point’ nga kanselado na ang mga klase.
Apan giklaro niini nga kinahanglan gihapon mu-report ang mga magtutudlo sa eskwelahan aron usab mahuman nila ang ilang mga pending nga trabaho ug makapanahon og meeting usab kauban ang school principal.
Kahinumduman nga gianunsyo sa City Government of Davao pinaagi sa City Information Office (CIO) nga kanselado ang mga klase sa pribado ug publiko sa tibuok syudad sa Davao gani nauna na usab kagahapon sa hapon og anunsyo ang Davao del Norte sa pagkansela sa mga klase sa maong probinsya.
RadyoMaN Renz Barbarona
