Niini, giklaro ni Kapitan Santes nga ang gitagtag nga papel palibot sa iyang Barangay may kalabotan kini sa ilang gilusad nga profiling sa Kabataan sa iyang Barangay ug wa’y labot niini ang pangalap og pirma alang sa Chacha.
Giingon ni Santes, dili lang Kabataan ang ilang gi-profiling apan bisan pa ang kadtong hamtong na sama sa Senior Citizens ug maingon man sa bag-ong sampa sa ilang Barangay sama sa renter.
Gipasabot ni Kapitan Santes nga katoyoan niining profiling mao nga aron adunay basihan ang Barangay sa ilang pagtunol og ayoda sa mga mahimong biktima sa kalamidad ug trahedya sama sa baha ug sunog, ug kini aron makasiguro sab ang Barangay nga wa’y masagol ug makadawat og ayoda sa mga taga-laing Barangay nga mupahimulos sa kahigayonan.
Dugang pa sa Kapitan nga ang Profiling usa kini ka Barangay Council Protection for Children ug siguridad kontra krimen ug terorismo sa ilang Barangay, ug nasugdan ang naasoy nga kampanya niadto pang miaging semana ug matapos kini sa petsa 23 karong bulana.
Ug mabasa sa profiling paper ang mga pangutana nga may kalabotan sa personal nga kasayoran sa usa ka Bata ug kahimtang sa kinatibuk-ang kumonidad.
Radyoman Joel Viray
