Kap Mansabid Murder Case: SITG adunay gitutukan nga mga personalidad

Davao City – Nag-convene na sa unang case conference ang gitukod nga Special Investigation Task Group (SITG) sa pagpusil-patay kang Brgy. Datu Salumay, Marilog District Kapitan Amado Mansamo Mansabid niadtong Oktobre 2, 2021 sa gabie sulod sa iyahang tindahan.

Sa interbyu sa RMN Davao kang Davao City Police Office (DCPO) City Director Police Col. Kirby John Kraft, gipresenta ang mga gilantaw nila nga mga anggulo ug mga personalidad nga posibleng maimbestigahan sa nasangpit nga murder case.

Sumala ni Kraft, nga gibutyag sa asawa sa kapitan nga si Nilda Mansabid, nga konektado sa bangi sa yuta ang pagpatay sa biktima kinsa usa ka Council of Elders sa Tribong Matigsalog nga gahawid usab og mga kaso sa land disputes.


Pito ka mga fired cartridge sa .45 kalibreng baril ug 4 ka slugs ang narekober sa SOCO sa crime scene nga gisumite sa ballistic examination.

RadyoMaN Aimee Guinita

Facebook Comments