Kalibo. Aklan — Nagpablotter sa Kalibo PNP ro sambilog sa mga meyembro it Kalibo Auxiliary Police matapos nga ginhambaean it mga maea-in nga tinaga ko sangka tricycle driver sa may Toting Reyes St., Kalibo, Aklan.
Ro nasambit nga KAP Member hay si Irene Dela Cruz, 26-anyos ag residente it Brgy. Bakhaw Sur, Kalibo.
Suno sa panaysayon ni Dela Cruz sa Kalibo PNP nga kahapon it hapon mga alas 4:45 samtang una imaw sa corner it Roxas Avenue ag Toting Reyes St., nag perform ko anang duty ana nga nataeopangdan ro nasambit nga tricycle nga may body number R4-0921 nga uwa na makilaea rong driver hay nag pick-up it pasahero sa prente it Mang Tinapay nag U-turn sa saea nga lugar rason nga anang ginpituhan.
Mga alas 5:00 it hapon bumalik ro nasambit nga tricycle driver ag ginsinggitan ro nasambit nga KAP it mga maeain nga tinaga “B_l_T I_A_O ka, kaadyana kung magsita, wa labot pagsita ag tan-awa kung siin ako dapit nag U-Turn, B_L_T I_A_O KA!.
Ginhangkat pa it tricycle driver nga bue-on ro anang body number ag ginapareport sa Kalibo PNP.
Sa makaron hay under follow up pa ro nasambit nga insidente.
