General Santos City— Dawaton ni Brgy. Labangal Kapitan Lorelie Pacquiao ang unsa mang ang desisyon sa iyahang mga kaubanan kun ugaling siya maoy ituboy isip ABC President.
Sumala niya nga syento porsyento niyang suportahan ang tanang programa ug mga plano sa liga. Iyaha usab gipaniguro nga kun ugalijg siya maoy makalingkod sa konseho, iyahang himuon ang tanang aron nga mahimo ug sakto ang iyahang trabaho.
Dako man usab ang pagtuo ni Kapitan Pacquiao nga higayon nga siya maoy makalingkod isip ABC President, dili kini maka-apekto sa trabaho sa iyahang bana nga si City Councilor Bobby Pacquiao.
Kini gumikan ang tumong matud pa nila mao gyud ang paghatag ug serbisyo sa katawhan busa dili mamahimong isyu alang kanila nga adunay duha ka Pacquiao nga mulingkod sa hawanan sa konseho.
