Davao City – Gisuportahan sa grupo sa mga negosyante sa Davao ang mando ni Pres. Rodrigo Duterte ngadto sa Criminal Investigation and Detection Group (CIDG) ug National Bureau of Investigation (NBI) sa pagpasira sa grupong KAPA Community Ministry International Inc.
Sumala ni Davao City Chamber of Commerce and Industry Incorporated (DCCCII) President Arthur Milan, ang mga investment scheme nga dili na katuhoan angayan lamang nga pasirad-an tungod kay ang ma-ala ot niini kadtong mga kabus.
“Angayan gyud na siyang undangon because especially, kanang mga ingon anang schemes kay ang mga ordinaryong tawo maoy mahimong ala-ot,” matud niini.
Kahinumduman nga gimando sa pamuno-nasud sa NBI ug CIDG nga pasirad-an ang KAPA sa ilang investment operations tungod kay usa kini ka syndicated estafa.
RadyoMaN Bernard Pantallon
