KAPA, Organico gin-raid han NBI ngan CIDG

1913

TACLOBAN CITY – Pwersahan nga gin-abrihan han mga otoridad an opisina han Kabus-Padatuon (KAPA) Community Ministry International, Inc ngan an Organico Agribusiness Ventures Corporation ha mga branch hini ha Tacloban kakulop, June 10.

Bitbit an search warrant, namiling an tinaglawas han National Bureau of Investigation (NBI) ngan Criminal Investigation and Detection Group (CIDG) hin mga ebidensya nga magpapamatuod nga scam ini nga mga investment entities pero waray tawo ha sulod han mao nga mga opisina.


Ha raid han CIDG ha opisina han Organico, waray na may naabtan an mga otoridad. Waray na mga gamit sugad hin computers, mga dokumento ngan iba pa. Gin-abrihan gihapon han operating team an security vault ha sakob han usa nga kwarto pero waray bis usa nga papel ha sulod hini.

Sumala kan P/Maj. Duane Francis Ducducan, Chief han Investigation han CIDG Regional Field Unit-8, nakatunog an mga taga organico nga igri-raid hira han mga otoridad.

“Apparently, alam na nila siguro na mayrong mangyayaring search or raid sa kanilang opisina kaya halos wala ng laman itong office na ito.”

Papasakahan la gihapon hin kaso an organico tungod nga waray ini license to operate tikang ha Security and Exchange Commission (SEC) ngan iginbabawal na ini hira nga mag-abri pa.

Samtang, ha operasyon naman han NBI ha KAPA-Tacloban branch, may mga naabtan pa nga gamit ngan magseserbe ini nga ebidensya.

Dida han weekend han magmando hi Presidente Rodrigo Duterte nga pasadhan an mga pekeng investment group upod na an KAPA.

Facebook Comments

From Advertisers