Mibisita dinhi sa Sugbo si Senator Elect Ronald Bato dela Rosa aron magpasalamat sa iyang kadaugan sa May 13 elections.
Sa resulta niadtong may 13 election taas ang nakuhang suporta sa mga sugboanon kang Senador dela Rosa diin nabutang sa ika upat nga pwesto.
Tungod niini mibalik siya sa sugbo aron personal nga pasalamatan ang mga sugboanon nga mihatag kaniyag dakong boto nga alang niya nakatabang kini aron itapak sa mga dapit nga gamay kaayo ang iyang nakuha nga botos ilabi na sa Luzon area.
Lakip sa iyang gipasalamatan ang mga nagpaluyo kaniya sama sa mga tawo nga mituo sa iyang kapasidad sanglit wala matod pa siyay dakong pundo apan adunay mga negosyante sama nilang Joy Roble nga usa sa mga magpapatigayon sa sugbo nga miabag kaniya.
Usa sa iyang gitinguha nga buhion ang balaod sa silot kamatayon alang sa naka himog dakong salaod sama sa illegal drug trafficking.
Lakip na kadtong mga police nga nalambigit sa illegal nga drugas diin ang mga nasakmit nga mga kontrabando ibalik sa karsada nga mopasamot pa sa problema sa illegal nga drugas sa nasud.
