Davao City – Nasakmit sa National Bureau of Investigation sulod sa opisina sa KAPA Ministry International sa Tagum City, Davao del Norte ang usa ka dakong vault, 13 ka mga bill counting machines ug uban pang mga kagamitan kagahapon, June 10, 2019.
Sa interbyu sa RMN Davao kang NBI TAGDO XI Special Investigation Juhari Guro nga gisilbi nila ang search warrant nga gisyu ni RTC Branch 20 Manila Vice Executive Judge Marivic Balisi-Umali niadtong June 7, 2019 ubos sa violation sa Sec 26 in relation to Section 73 sa Republic Act No. 8799 kun Securities Regulation Code of the Philippines.
“Inorderan po kami na i-search ang mga naka-indicate sa search warrant. To find and locate itong mga listed items. Itong mga bill counting machines it implies they are counting money bills, supposed to be this is a religious activity pero bakit may ganito karaming bill counting machines,” sumala niini.
Sumala ni Guro nga ipadala nila ang mga nakumpiskang mga kagamitan ngadto sa korte.
“Uunahin muna namin ang return doon sa issuing court then we will file appropriate charges doon sa mga organizers, the founder is one of them,” sumala niini.
Samtang gibutyag ni KAPA Tagum Evangelist Robert Melendez nga gipasalig nila ang tanan karon sa ilahang legal counsel.
Matud niini nga walay opisina ang Kapa tungod kay aduna silay religious convocation sulod sa 10 diyas.
RadyoMaN Aimee Guinita
