Pagahambalan nanday Business Permits and Licensing Office head Mr. Norman Tabud kag Public Safety and Transportation Management Office head Mr. Jeck Conlu ang nagakadapat himuon sa mga amusement rides sa Jaro Agro-industrial and Charity Fair sa Jaro plaza nga wala sang permits.
Suno kay Tabud, wala sang permits ang mga rides sa Jaro plaza nga kuntani requirements antes sila makaoperate.
Paathag ni Tabud, wala sang balasehan ang pahayag sang operator nga indi na nila kinahanglan ang permit bangud may EO naman ang management sang fair nga amo ang magadumala sa ila.
Panindugan ni Tabud dapat magkuha sang permits ang mga ini agud mapasiguro ang safety sang magasakay sa ila mga rides.
Nahibaluan nga dapat magbayad sang P100 kada adlaw nga fees ang mga rides agud makakuha sang permits gikan sa fire, city engineer’s, pulis kag iban pa nga task forces sang syudad.
Natukiban nga wala man sang permits ang mga amusement rides sa Diversion road kun sa diin nahulog sa Ferris wheel ang mag-iloy sadtong Sabado.
Photo from web
