Kapamilya at Kapuso stars todo-suporta sa pelikulang “Hello, Love, Goodbye”

300
Screenshot via Youtube/Star Cinema

Nagsanib-puwersa ang mga artista mula sa ABS-CBN at GMA 7 para suportahan ang pelikulang “Hello, Love, Goodbye” na pinagbibidahan nina Kathryn Bernardo at Alden Richards.


Sa ginanap na premiere night nitong Martes sa SM Megamall, dumalo ang mga Kapamilya celebrities na sila Bea Alonzo, Angelica Panganiban, Joshua Garcia, Loisa Andalio, Edward Barber, at Donny Pangilinan.

Pumunta rin ang mga Kapuso stars na sina Christian Bautista, Ruru Madrid, Valeen Montenegro, Chariz Solomon, Benj Manalo, Mikee Quintos, at Betong Sumaya.

Matapos mapanood, pinuri nila sina Alden at Kathryn dahil maganda ang kinalabasan ng “Hello, Love, Goodbye”.

Samantala, hanggang sa social media, hinihikayat ng mga kapwa-artista at katrabaho nila sa industriya na panoorin ang pinag-uusapang pelikula ng taon.

Sa Twitter post ni Maine Mendoza, other half ng tinaguriang AlDub loveteam, binati nito sina Alden at Kathryn.

Prinopromote rin ito ng longest-running noontime show na “Eat Bulaga” kung saan kabilang si Alden.




Ayon sa premyadong direktor na si Mae Cruz Alviar, naramdaman niya ang karakter na ginampanan ng dalawa.

Humanga din sa pelikula si Karla Estrada, nanay ni Daniel Padilla na nobyo ni Kathryn.

 

Sabi ng komedyanteng si Bayani Agbayani, siguraduhing may baong tisyu dahil hanggang paglabas ng sinehan iiyak ka.

All-out support din si dabarkads Pauleen Luna-Sotto.

Pahayag ng mamamahayag na si Julius Babao, hindi lamang umiikot ang storya sa pag-ibig, maging sa buhay ng mga OFW.

Patunay lamang na sa mga ganitong pagkakataon, hindi umiiral ang network war sa pagitan ng dalawang istasyon.

Sa kasalukuyan, top trending sa Twitter ang #HelloLoveGoodbye.

Facebook Comments