South Cotabato–Mihikling ang 13 ka pamilya gikan sa upat ka sitio sa Brgy.Colongulo Surallah Sot.Cot. tungod sa nahitabong rido sa duha ka grupo sa tribong tboli.
Sumala kang MDRRMC Officer Leonardo Ballon nasuta nga nag ugat matud pa ang kasamok sa lugar dihang giambush patay ang giilang chieftain sa lugar nga si Madin Sangkay niadtong Pebrero 28.
Nasayran nga mibalos matud pa ang anak ni Sangkay og iyang gipatay ang mipatay sa iyang amahan nga maoy hinungdan nga nanaghadlok ang mga residente sa nahitabong pagpanimalos
Tungod sa kahadlok nga gibati mihikling ang mga residente gikan sa sitio sa Lamfugon,Datal Samlon, Tapikong og Sipak hain sa kasamtangan anaa karon sa panimalay sa kapitan og usa ka kgawad sa barangay.
Gilayon man usab gihatagan sa MDRRMC og pagkaon ,mga mosquito nets og banig ang mga mihikling nga mga residente og duna usab gihimong pakigpulong sa lugar aron dili na modako pa ang problema sumala sa customary laws sa tribong Tboli.
