Davao City – Anaa na sa kapin 100 na ka mga aplikante ang na hired on the spot sa gihimong jobs fair nga mao ang “Trabaho Negosyo Kabuhayan 2018 Fair” sa Gaisano Mall, Bajada ning syudad karong adlawa, Mayo 1.
Sumala ni Jason Balais, Assistant regional director sa Department of Labor and Employment kun DOLE XI, kapin 100 na ang na hired on the spot gawas sa kapin dos mil ka mga aplikante nga miadto sa maong jobs fair samtang ang kapin usa ka libo sa mga aplikante kinahanglan pa maghatag og mga dugang dokumento ug posibleng muagi pa og laing interviews ayha mahibal-an og dawat na ba sila sa trabaho.
Ang maong aktibidad ipadayon pa kutob ugmang adlawa, Mayo 2 sa susamang lugar.
Karong adlawa, libuan ka mga aplikante ang nangita og trabaho diin gitanyag sa DOLE XI ang 12,500 jobs vacancies diin 6,200 niini sa lokal samtang 6,300 ang sa overseas.
Ang maong aktibidad gipangulohan sa DOLE XI kauban ang Deparment of Trade and Industry kun DTI.
RadyoMaN Renz Barbarona
