Davao City – Luwas ug walay natalang injured o casualty sa mga residente sa Barangay Mogbongcogon, Banaybanay, Davao Oriental nga naapektuhan sa baha kagahapong adlawa, Mayo 31, 2023.
Sa interbyu sa DXDC RMN Davao kang Ber Gitacay, personahe sa Municipal Disaster Risk Reduction and Management Office (MDRRMO) Banaybanay, gibutyag niini nga naa sa 131 ka balay ang apektado gikan sa upat ka purok sa nahisgutang barangay.
“Sa among pag-evaluate didto, ang NIA (National Irrigation Administration) canal, gisemento na man gud, so medyo nigamay siya. Sa uban pud nga gagmay nga mga drainage, walay limpyo,” matud ni Gitacay.
Gilayon usab nga giaksyonan sa Local Government Unit (LGU) Banaybanay ang problema sa baha pinaagi sa pagtambak og graba sa apektadong mga lugar.
RadyoMaN Kirby Manzon
Facebook Comments
