Kapin 100 Ka Balay Nasunog Sa Mandaue, Cebu

2

CEBU – Moabot ngadto sa 100 ka mga panimay ang naugdaw sa sunog sa Sitio Alliance of Two Hearts sa, Barangay Basak sa dakbayan sa Mandaue pasado alas 10 :00 sa buntag kagahapon.Gibana-bana sa kabomberohan nga moabot ug P500,000 ang danyos sa sunog nga niabot ug task force Alpha tungod sa kadaghan sa mga panimay sa dapit nga nasunugan.Usa ang na-angol atol sa maong sunog human naigo sa bildo samtang adunay tulo ka residente nga gipaak sa iro samtang sila nagsalbar sa ilang mga butang.Ang kabomberohan padayong nagsusi kung unsa gyud ang hinungdan sa sunog , apan una nang gitohoan nga adunay tulo ka mga bata nga nagduwa ug kayo dool sa balay diin unang niulbo ang sunog.

Facebook Comments