Magtutudlo, Gipusil Patay

3

GENSAN – Gipusil patay, sa wala pa mailhing mga suspetsado ang usa ka magtutudlo sa sekondarya sa Polomolok National High School nga si Erwin Espia, 42 anyos, math teacher ug kasamtangang supply officer sa maong tunghaan.Nahitabo ang pagpamusil sa dihang oras na nga ting-uli sa mga estudyante. Nasayran nga sakay pa sa iyahang motor ang biktima, apan gipara kini sa upat ka mga suspek. Sumala sa mga testigo naglamanohay pa ang maestro ug ang usa sa mga suspek human kining gikumusta, apan ang laing usa sa likod niini ang maoy mipusil.Nagtuo si Police Supirentendent Joedy Guisinga ang hepe sa Polomolok PNP, nga posibleng managkaila ra ang biktima ug mga suspetsado.Nasayran nga duha ka mga motor ang gisakyan sa upat ka mga suspek ug dayong sibat human sa kremin.Sa inisyal nga imbestigasyon nasuta sa Polomolok PNP nga aduna nay bahad nga nadawat ang biktima, apan dili pa niini ikabutyag kung unsa ang motibo sa maong kremin.

Facebook Comments