Davao City- Kapin usa ka gatos ka mga tao ang nadakpan human misupak sa balaod sa Anti-Smoking Law partikular sa area sa Sta. Ana PNP human nagpahigayon ang kapulisan og Foot Patrol ngadto sa ilang area of responsibility ubos sa mando ni Sta. Ana Station Commander Police Chief Inspector Nolan Raquid.
Basi sa blotter sa kapulisan sa Sta. Ana PNP, sagad sa mga nadakpan nga violators sa palengke nga dapit sa Agdao ug uban pang mga lugar nga kining mga malapason nga gahi og ulo wala magtuman sa ordinansa sa dakbayaban ug bisan asa nalang sa pagpataka og pabulhot og sigarilyo.
Ang kapin 100 ka mga tao moatubang og kasong kalapasan sa City Ordinance kun Anti-Smoking Law nga gihikay na sa kapulisan aron hingpit kini ma-file.
RadyoMan Don Pulayao
