Bukidnon – Nahimong eye-opener matud pa ni Pangulong Rodrigo Duterte ang daghanang ihap sa mga Overseas Filipino Workers kon OFW nga biktima sa pagpang-abuso sa ilang mga langyaw nga amo.
Sa interview sa RMN Malaybalay ngadto kang Department of Labor and Employment kon DOLE Undersecretary Joel Maglunsod, gibutyag niini nga nadawat sa Pangulo ang mao nga taho sa pagpang-abuso, harassment diin mukabat sa sobra 1,000 ang biktimang OFW maong gimando ninii ang deployment ban ilabina sa nasud Kuwait samtang gi-imbestigahan sa DOLE ang mao nga mga kaso.
Matud ni Maglunsod nga ulahi na ang pagbuto sa balita kalabot sa usa ka OFW nga si Joanna Daniela Demafelis nga gisulod ug freezer nga maoy nagpasamot sa kasuko ni Duterte maong gimando sa hingpit ang total deployment ban sa Kuwait.
