Davao City – Gikumpirma ni Department of Education (DepEd) XI Spokesperson Jenielito Atillo nga anaa muabot sa 114,820 ka mga estudyante ang apektado sa linog nga 7.4 ug 6.9 magnitude nga linog sa Region XI, asa misentro sa Manay, Davao Oriental.
Dugang ni Atillo nga ang maong ihap nalakip sa mga apektado sa linog tungod kay gikan sa face-to-face classes set-up, nahimong blended learning ning kasamtangan ug hangtod sa wala pay abiso sa pagbalik.
Gani, natala sab matud pa nga anaa
sa 215 ka mga estudyante ang nakahiagom og minor injuries, samtang anaa sab sa 918 ang totally damaged nga mga classrooms.
Subay niini, adunay mga psychosocial intervention nga pagabuhaton ngadto sa mga estudyanteng na-trauma, ingon man sab sa mga magtutudlo sa lain-laing pamaagi sama sa pagpakanta, pag-storytelling, ug maglusad sab og debriefing una magklase.
RadyoMaN Kareen Beltran
Facebook Comments
