General Santos City— Gipangunahan mismo ni AFP Chief Of Staff General Benjamin Madrigal ug PNP Director General Oscar Albayalde ng send of ceremony sa libuan nga dugang pwersa aron sa pagbantay sa pagahimuong plebisito sa Bangsamoro Organic Law kon BOL Cotabato City sa Enero 21.
Sumala kang Major General Cirilito Sobejana, Commanding Officer sa 6th infantry divion nga ang maong seremonya ang gitambungan sa commissioner sa COMELEC nga si Al Apareño, lima ka mga cabinet secretary nga silang Sec. of National Defense Gen. Delfin Lorenzana, DILG Sec. Gen. Eduardo Año, OPPAP Sec. Gen. Carlito Galves, Sec. Nograles ug National Security Adviser Esperon. Anaa usab silang Maguindanao Governor Toto Magudadatu, regional Governor Mujiv Hataman ug gobernador sa Tawi-tawi.
Gipahigayon sa kampo sa 6th ID ang aong seremonya kung asa dili muubos sa usa ka libo ang ilahang gi-send off lakip na ang 500 nga gikan sa Special Action Force sa kapulisan.
Sa karon matud pa anaa sa kapin 10mil nga ihap sa militar ang nadeploy na aron nga magbantay sa siguridad sa Cotabato City ug mga area sa ARMM.
Human matud pa ang election sa BOL sa Cotabato, nakatakdang ibalhin ang tropa sa kapulisan ug militar sa North Cotabato aron nga bantayan ang siguridad alang sa plebisito nga himuon sa 67 ka mga barangay sa pito ka munisipyo sa North Cotabato ug unom ka munisipoy sa Lanao Del Norte sa Pebrero 6.
