Butuan PIO- Gidagsa sa mga nagpabakuna ang mobile vaccination sa mga barangay. Kini tungod na usab sa paningkamot sa mga barangay nga opisyales sa paglibot sa ilang mga lugar ug paghatag og impormasyon sa importansya sa bakuna.
Kagahapon sa barangay Mahay, uban sa suporta sa ilang punong barangay nga si Marilyn C. Burdeos nakabakuna ang vaccination team og 552. Sa Barangay De Oro pinaagi sa paningkamot sa mga opisyales nga gipanguluhan sa punong barangay, Randy Jagonos, nikabat og 430 ang nagpabakuna.
35 na ka barangay ang naadtuan sa mobile vaccination team ug mobalik na usab sila ani alang sa paghatag sa ikaduhang dose. Modawat gihapon ang team sa mga magpa-first dose kung aduna pay magpabakuna.
Giawhag ang tanan nga magpabakuna alang sa kaugalingong proteksyon, sa pamilya ug sa komunidad.
