Kapin 1,600 nga mga health workers sa NMMC, nabakunahan na batok sa COVID-19

Nasa kapin 1,600 nga mga health workers sa Northern Mindanao Medical Center o NMMC ang nabakunahan na batok sa COVID-19.

Matud ni NMMC Liaison Officer Dr. Bernard Julius Rocha nga nasa 1,820 nga doses sa bakuna ang gigahin sa Department of Health Region 10 sa maong ospital.

Mahinumduman na ang NMMC ang regional COVID-19 referral hospital ug pinaka unang health facility nga naglunsad sa vaccine rollout niadtong Marso 5 ning tuiga.

Gipasabot ni Dr. Rocha nga ang ‘constant information dissemination’ bahin sa vaccine rollout ang dakong tabang sa taas nga vaccine utilization rate sa NMMC.