Matud ni Police Colonel Antonio Alberto Jr., personahe sa DNPPO, anaa sa 447 ka personnel ang ipakatag sa lain-laing areas sa syudad sa Tagum. Kini gilangkuban sa 204 Philippine National Police (PNP) personnel, 4 Bureau of Fire Protection (BFP) personnel, 85 Armed Forces of the Philippines (AFP) personnel, 97 Civil Security Unit (CSU) personnel, 42 TMU, 7 EUD K9 units personnel, ug 3 ka personahe gikan sa Advance Command Tactical Post (ATCP).
Gawas niini, adunay lain pang kapin 500 personnel nga naka-standby kung gikinahanglan sama sa quick response team, Special Weapons And Tactics (SWAT), alert teams gikan sa tanang police stations, ug Civil Disturbance Management (CDM) contingents.
Gipahimangnoan usab sa awtoridad ang publiko nga adunay imontar nga checkpoints sa palibot, police visibility ug police assistance desks sa mga venue sa sports event.
RadyoMaN Kirby Manzon
