Sa pakighinabi sa DXDC RMN Davao sa B.E Dujali Municipal Health Office (MHO), pipila ka mga estudyante ang sunod-sunod nga naglisod ug ginhawa ug ang uban nakuyapan.
“Daghan po ang gipadala diri gikan sa (Dujali) High School pero dili pa mi makahatag kung pila gyud kabuok kay naa man gud sa RHU (Rural Health Unit) na sya ang mga data,” sulti sa MHO personnel.
Sa statement sa official Facebook page sa B.E. Dujali Municipal Information Office (MIO), muabot sa 21 ka estudyante ang gipangdala sa RHU ug gihatagan og first aid pinaagi sa pagpa-inom og tubig, gipaypayan, gihilot ug aduna usay gigamitan og oxygen tank.
Giingon sa usa sa mga estudyante, magsige og balik-balik nga makuyapan ang iyang classmate ug nakita niya nga misunod pa ang uban og kakuyapan.
Matud sa MHO nga tungod sa kainit sa panahon ang hinungdan sa maong insidente ug ang ubang mga bata natakdan lang sa kahadlok sa ilang mga kaubang estudyante.
RadyoMaN Kirby Manzon
