Davao City – Kapin 20 ka mga PUV driver ang nadakpan sa mga personahe sa City Transport and Traffic Management Office human kini walay napakita nga ID kun Public Utility Vehicle Identification Card.
Sumala ni CTTMO Strategic Intelligence Assistant Joan Cabali nga gisugdan ang pagpanakop sukad niadtong petsa 2 sa bulan sa Abril ning kasamtangang tuig.
Gidugang ni Cabali nga iyang gipaabot sa tanan PUV driver nga nakaseminar na niadtong bulan sa Sityembre tuig 2017 nga mamahimo na nilang kuhaon ang ilang ID sa buhatan sa CTTMO aron dili madakpan.
Hinuon giklaro niini nga exempted ang mga drivers nga nag seminar niadtong bulan sa Marso ning tuiga gumikan ginatrabaho pa ang ilang mga ID.
Base sa datus sa CTTMO, anaa na sa kapin 2,000 ka mga drivers ang miagi na og seminar ug natagaan na og claim stab.
RadyoMaN Don Pulayao
