South Cotabato — Mukabat ngadto sa kapin 200 ka pamilya gikan sa tulo ka sitio sa Barangay Ned, Lake Sebu nga mao ang Sitio Kisayan, Kumilat ug Molmol padulong na ngadto sa Sitio Proper Ned ang apektado sa natigayong rido sa duha ka pamilya nga nagpuyo sa Boundary sa barangay Ned ug Barangay Molon, sakop sa Palimbang, Sultan Kudarat.
Matud ni Mila Lorca, Provincial Disaster Risk Reduction and Management Council Head sa South Cotabato, nagsugod ang bangi tali sa duha ka mga pamilya niadtong Abril 18 nga miluntad hangtud karong panahuna.
Gumikan sa kahadlok sa mga residenting nagpuyo sa boundary nga bahin sa duha ka mga lungsod, pipila ka mga residenti ang namakwit na sa kahadlok nga mapagan sa away sa duha ka mga pamilya.
Sa karon naghimo na ug assessment sa lugar ang PDRRMC aron masayran kung unsang tabang ang ilang ihatod ngadto sa mga residenting apektado sa rido sa lugar.
