General Santos City— Mukabat na sa 203 ka ektarya sa umahan sa Gensan ang na-apektuhan na sa hulaw. Kini ang gibutyag ni Merlinda Donasco, labaw sa Office Of The City Agriculturist.
Sumala niya nga sukad nagdeklara ug el niño, mukabat na sa kapin unom ka milyon ka pesos ang nahimong danyos. Hilabihan matud pa nga na-apektuhan sa hulaw mao ang Barangay San Jose, Sinawal ug ang ubos nga bahin sa brgy. Baluan.
Dugang pamahayag ni Donasco nga lakip samga naapektuhan mao ang palay ug mais. Kung asa ilaha na karong ginasugdan ang pag-monitor sa mga high valued crops.
Higayon matud pa nga magpadayon ang init nga nasinatian sa dakbayan, dili imposible nga lakip maapektuhan ang mga high valued crops sama sa saging ug uban pa.
Pagpaklaro niya nga bisan ug nasinatian ang signal number 1 ni bagyong chedeng, wala matud pa kini makahatag ug positibong epekto sa mga pananom.
