Kapin 2,000 ka personahe sa DCPO ang mobantay sa BSKE 2023

Davao City – Nangandam na ang mga personahe sa Davao City Police Office (DCPO) alang sa hugot nga seguridad nga ipatuman, sugod sa campaign period sa October 19-28, 2023 sa Barangay and Sangguniang Kabataan Election (BSKE)2023.

Sa interview sa DXDC RMN Davao kang Police Captain Hazel, Tuazon Spokesperson sa DCPO gibutyag niini, hitsas na ang security plan nga ipatuman og adunay kapin 2,000 ka mga PNP personnel ang mobantay karong election.

Segun ni Tuazon, adunay mga sakop sa pulis sa DCPO nga mag-escort sa Commission on Election (COMELEC) Davao ilabi na kung adunay ipahigayon nga mga aktibidad.

Gipasabot sa official, gipakusgan usab ang pagpahigayon og COMELEC Checkpoint sa ilang area of responsibility (AOR) subay usab sa gipatuman nga gun ban.

“Pahimangno nato sa mga mikandidato kanunay ta naga remind sa mga midagan karong coming election nga walay dinautay usahay diha man gyud magkainit bisan og magkapamilya tungod aning election”,sulti ni Tuazon.

RadyoMaN Don Pulayao