Davao City – Nagpabilin pa karon sa custodial facility sa San Pedro Police Station ang driver sa Metro Shuttle Go-Mindanao Bus nga si Efren Claud Cerona Jr., 43 anyos nga nakabangga patay sa 9 anyos nga estudyanting babayi nga alias “Jelyn” niadtong September 28, 2023 sa Quezon Boulevard, Davao City.
Sa interview sa DXDC RMN Davao kang Police Major Marvin Hugos, Hepe sa San Pedro Police Station gisulti niya, wala pa nakapiyansa ang kompanya sa maong bus sa kasong reckless imprudence resulting to homicide nga gipasaka batok kang Cerona.
“Nagsulti man tong driver nga karong adlawa October 2,2023 mag post og bail basi nagtigum pa sila og amount para ipyansa nila”,sulti ni Hugos.
Una niini, misulay ang kompanya sa bus nga makig-ariglo sa pamilya, apan wala misugot ug miduso kini og kaso batok sa driver.
RadyoMaN Don Pulayao
Facebook Comments
