Kapin 2500 ka board ft. nga kahoy-nakumpiska sa Sarangani

38

General Santos City—gikustudiya sa Glan Municipal Police Station ang duha ka mga Elf truck nga puno ug ginabas nga kahoy human kining naharang sa may Crossing Ilaya, Glan, Sarangani Province.


Alas 8:45 ang takna sa gabie niadtong nakalabayng adlaw dihang nakadawat ug impormasyon ang Glan PNP gikan sa ilang impormante nga matud pa dunay duha ka sakyanan nga puno ug kahoy nga dad-on unta sa syudad sa Gensan.


Gilayong mirespondi ang tropa sa kapulisan sa pagpanguna ni Police Chief Inspector neil Wadingan, Hepe sa Glan PNP ug didto nakit-an ang mga sakyanang dunay kargang 2,577 board ft. nga kahoy.


Apil nga gihold sa otoridad silang si Bernardo Ewikan, legal age, residenti sa Barangay Lun Padido, Malapatan ug Dioscoro Libradilla, legal age, residenti sa lungsod sa Glan driver sa duha ka elf truck.


Sa karon padayong gikustudiya ang mga nahisgutan human walay ikapresenta nga dukumento sa mga nakumpiskang kahoy.



Facebook Comments