Davao City – 100% na nga nahuman ang depopulation sa mga baboy apektado sa African Swine Fever (ASF) sa Barangay Inayangan ning syudad sa Davao.
Sa interbyu sa DXDC RMN Davao kang Noel Provido, spokesperson sa Department of Agriculture (DA)-XI, gibutyag niini nga anaa sa 2,089 ang na-depopulate nga baboy gikan sa 411 ka mga apektadong hog raisers sa lugar.
Saysay niini nga nadawat na sab sa nahisgutan ang ayuda nga P5,000 gikan sa City Government of Davao kini gawas pa sa P5,000 nga itunol sa DA nga kasamtangan pang gina-proseso.
“Ning bayad na pud og five thousand sa ilaha ang city government. Sa amoa man gud [sa DA] kay i-request pa namo sa Manila,” saysay ni Provido.
Sa pagkakaron, ginapatuman na ang disinfection activities sa ASF-affected areas diin wala nay laing namonitor nga nagpositibo sa ASF sa uban pang area sa Davao region.
RadyoMaN Kirby Manzon
