Davao de Oro – Usa patay, usa angol sa pagpamusil alas 7:30 sa gabii sa Purok Tambis, Brgy. Poblacion, Maragusan, Davao de Oro.
Biktimang namatay nailang Ruel Calamba, 28 anyos, minyo, walay trabaho, residente sa Purok Apitong, Brgy.Poblacion, Maragusan, Davao de Oro, samtang angol si Daniel Perdelan Jr., 35 anyos, ulitawo, residente sa Purok Buyo, Brgy.Poblacion, lungsod sa Maragusan, Davao de Oro.
Sumala sa report sa Maragusan Municipal Police Station, nagsakay ang mga biktima sa XRM 125 Motorcycle, plate no.YT 5827 gikan sa Brgy.Poblacion pauli na sa ilang panimalay apan kalit gipusil sa duha ka wala mailhing suspetsado gamit ang .45 kalibreng pistola hinungdan sa kamatayon ni Calamba, samtang si Perdelan samdan ug gihatud sa Davao Regional Medical Center, Tagum City.
Padayon pang giinbestigahan sa kapolisan ang insidente kung unsay motibo ug kinsa ang namusil sa mga biktima.
RadyoMaN Jules Catisay
