Kapin 300 Dabawenyos nabakunahan sa Bakunahang Bayan Part 2

Davao City – Anaa sa 369 ka mga individual ang nabakuhan sa tulo kaadlaw’ng ‘Bakunahang Bayan Part 2’ sugod Disyembre 5 hangtud 7, 2022 nga gipahigayon sa Tomas Claudio Health Center, Davao City.

Sa eksklusibong interbyu sa DXDC RMN Davao kang Dr. Harlyn Espela, in-charge sa Vaccination team sa Tomas Claudio Health Center, kapin 300 ang nabakunahan, 187 ang nagpa-booster shots sa first dose, samtang 125 ka mga indibidwal ang natala alang sa second dose.

Dugang ni Espela, sa nag-edad og 12 anyos pataas, 357 ang nabakunahan, samtang sa 5-11 anyos pataas, 12 ka mga bata ang nabakunahan.

Samtang giingon usab ni Dr. Mavilma Gonzaga, Medical Officer 6, nagadawat gihapon ang Tomas Claudio Health Center sa mga gusto magpabakuna (Monday to Friday) alas 7:00 sa buntag hangtod alas 3:00 sa hapon.

“Sa mga kadtong 5-11 years old nga wala pa mabakunahan pwede ninyo dalahon ang inyong mga anak sa mga different health center nga naay COVID-19 vaccination hub and then sa 12-17 years old. Sa mga 18 years old ug mga senior citizen nga wala pa nagpa booster para dili ta matakdan og COVID-19,” saysay ni Dr. Gonzaga.

RadyoMaN Don Pulayao