Davao City- Mokabat sa kapin 300 na ka mga bata nga biktima sa pagpangabuso ang na-rescue sa 24/7 Kean Gabriel Hotline sugod niadtong Oktubre 2016 hangtod Sityembre karong tuiga.
Sa ispeak forum gisulti ni CSSDO Quick Response Team for Children’s Concern head Juenalyn Pablo nga sagad sa mga bata nga na-rescue nila mga biktima sa pisikal nga pagpangabuso, sexual abuse, droga ug pagpabaya sa pamilya.
“Kasagaran gyod sa ilaha is luoy gyod, naa gyod sila sa ubos nga estado and then kasagaran pud is naay involve sa marital conflict, broken family gyod kasagaran ang atoang mga bata nga na rescue. (Sa) Barangay 76-A Bucana, diha gyod mi daghan nga cases nga tawag, daghan pud mi diha na rescue since dako pud siya nga barangay. ”
Matud ni Pablo nga adunay upat ka mga bata ang namatay sukad miadtong gumikan sa pagpangabuso sa ilang kaugalingong mga ginikanan ug pamilya ug usa niini si Kean Gabriel. Ug tungod sa kamatayon ni Kean namugna ang maong hotline.
“Kasagaran gyod nga cases namo nga taas mao ang physical abuse kay mao man gud ni siya ang makita gyod. So naa na kita’y naka file sa korte karon, 6 cases na ni sila. Lately lang, naa mi magtiayon gyod, sila ang amoang filean og case and then lima gyod nila ka bata ang na pull-out, na-neglect gyod nila.”
Gipakusgan sa Kean Gabriel hotline ang ilang kampanya sa tumong nga malikayan ang dugang mga insidente sa kalapasan sa katungod sa mga kabataan.
RadyoMan Aimee Guinita
