Pagadian City – Mosubra na sa 34,000 ka senior citizens ang naturukan sa bakuna kontra Coronavirus Disease 2019 (COVID-19) sa padayon nga pag-arangkada sa pagpangbakuna sa Zamboanga Peninsula.
Kini gibase sa pinakaulahing datos nga gipagula sa Department of Health Zamboanga Peninsula- Center for Health Development, kun asa mosubra na sa 34,000 ka senior sa tibuok rehiyon ang naturukan sa unang dose sa bakuna samtang kapin 6,000 usab ang nakadawat sa ikaduhang dose sa Covid-19 vaccine.
Sa datos sa DOH-9, naa sa 13,016 ka mga senior ang gikan sa syudad sa Zamboanga ang hingpit nang nabakunahan batok sa makamatay nga sakit samtang 8,313 usab ang gikan sa Zamboanga del Norte; 8,149 ang taga- Zamboanga del Sur; 3,499 ang sa probinsya sa Zamboanga Sibugay ug 1,763 ang sa syudad sa Isabela sa Basilan.
