General Santos City— Mukabat sa kapin 40 ka mga armas ang narekober sa kapulisan kaabag ang militar sa gipahigayong oplan galugad sa mga panimalay sa duha ka barangay sa may Columbio, Sultan Kudarat.
Sumala kang Police Chief Inspector Bernard Francia, hepe sa Columbio Municipal Police Station sa pakighinabi sa RMN Gensan nga lakip nga rekober ang mga homemade shotgun, kalibre 38 ingon man homemade nga M16.
Dugang pamahayag ni PCI Francia nga ang maong operasyon ang basi na usab sa taho sa mga opisyal sa maong mga lugar nga sunod-sunod ang insidente gamit ang mga armas.
Tumong usab niini mao ang mabatukan ang unsa mang kriminalidad lakip na ang pagpahigayon ug community anti- terrorism awareness campaign.
Sa karon, gibutyag ni PCI Francia, nga hapsay na ug malinawon ang ilahang lugar human sa maong oplan galugad.
