South Cotabato—Mukabat sa 42 ka mga binuhing baboy sa Koronadal ang gipanglubong kagahapong adlawa human gidudahang apektado sa ASF kon African Swine Flu.
Sa karon ginasuta pa sa Koronadal City Taskforce Bantay Karne, City Veterinary Office ug Provincial Veterinary Office sa probinsya ang gituohang kaso sa African Swine Flu.
Ang maong mga baboy iyaha matud pa sa usa ka negusyante nga taga Barangay Barangay Zone 4.
Subay sa report, nakitaan ug sentomas sa ASF ang pipila ka mga baboy nga anaa sa stockyard nga gipanag-iyahan maong negusyante.
Gikuhaan na ug blood sample ang mga baboy nga gidudahang infected sa ASF, tumong aron kumpermahon kung ASF ba gyud ang mitakboy sa maong mga baboy.
Sa karon nakaalerto na ang City Veterinary Office sa Koronadal uban ang uban pang mga ahensya batok ASF.
Samtang Si South Cotabato Governor Reynaldo Tamayo ang nagpagawas na usab ug kamanduan ngadto sa mga mayores sa Probinsya nga maghimo ug preventive measures aron nga mapugngan ang pagsulod sa ASF sa ilang lugar.
(Photo is for Illustration only)
