Davao City – Mokabat matud pa sa kapin 40 ka mga balay ang naugdaw sa nahitabong sunog alas 12:48 sa hapon sa Sta. Cruz, Brgy. Leon Garcia, Agdao ning syudad sa Davao.
Sa pakighinabi sa DXDC RMN Davao kang Richard Quibo quibo, ang Chief Special Resue Unit sa Davao City Fire District nga sa maong nasangpit nga mga balay nga naugdaw, gibana-banaang moabot sa tunga sa million ka pesos ang damyos niini.
Subay sa inisyal nga imbestigasyon, gibutyag ni Quibo quibo nga ang sunog naggikan sa pinoy-anan ni Loviguildo Maylas sa ikaduhang andana nga ginama sa semi-concrete diin sumala pa namatikdan nalang ni Maylas nga duna nay nangatagak nga kalayo gikan sa ibabaw sa maong balay.
Giingong rason niini matud pa mao ang electrical arcing kun wala pagtanggal sa mga nakasaksak nga gamit nga de kuryente.
Sa karon, padayong pang ginasuta og pila gayud ang pamilyang apektado, ang totally damage ug partially damage nga mga balay.
Subay niini, subling nagpahimangno si Quiboquibo sa tanang mga residenti nga dapat i-unplug ng mga nakasaksak nga wire sa dili pa mulakaw aron malikayan ang sunog.
RadyoMaN Don Pulayao
