Davao City – Gisugdan na ang COVID-19 vaccination sa 4,000 ka mga personahe ilawom sa Davao City Police Office (DCPO).
Sa interbyu sa DXDC RMN Davao kang Police Col. Kirby John Kraft, DCPO City Director, mulungtad sa walo ka adlaw ang COVID-19 vaccine roll-out sa kapulisan lakip na ang 1,300 ka mga police auxiliaries sa syudad.
“Ito pong vaccination roll-out initiated poi to ng Davao City Government under Mayor Sara Duterte. Siya po ang nag-insist po sa atin na kailangang ma-vaccinate ang ating mga police at magkaroon ng herd immunity sa DCPO. Ang sinagot natin ang vaccination team at vaccination site,” matud ni Kraft.
Segun niini, kapin 500 na ang mga nabakunahan gamit ang Sinovac COVID-19 vaccines sa unang adlaw nga gilusad sulod sa DCPO headquarters.
Gibutyag ni Kraft, walay mga natalang significant adverse reactions sa mga nabakunahang kapulisan, samtang adunay pipila ka mga personahe ang wala makapasar sa screening tungod kay adunay mga gihambing balatian.
RadyoMaN Aimee Guinita
